partneriaethau ardal farchnata
cyflwyniad
Un o'r blaenoriaethau sy'n gynwysedig yn ein Cynllun Buses yw datblygu a chyd-drefnu Partneriaethau Ardal Marchnata (PAM) yng Ngogledd Cymru. Sefydlwyd 5 PAM (yn cynnwys y sector gyhoeddus a phreifat) yn yr ardaloedd marchnata canlynol:
- Ynys Môn
- Eryri Môr a Mynydd
- Trefi Glan Môr Gogledd Cymru - Gorllewin (Llandudno/Bae Colwyn)
- Trefi Glan Môr Gogledd Cymru - Dwyrain (Y Rhyl/Prestatyn)
- Gororau Gogledd Cymru.
Gwahoddir y PAM i gyflwyno ceisiadau am arian gan Bartneriaeth Twristiaeth Gogledd Cymru ar gyfer cyflawni gwaith hyrwyddo twristiaeth ychwanegol - h.y. yn ychwanegol at y gwaith y mae'r partneriaid yn yr ardaloedd marchnata yn ei gyflawni’n barod.
Bydd y ceisiadau yn cynnwys Cynllun Busnes, gyda manylion y cynllun i'w canfod isod. Wrth gyflwyno cais bydd yn ofynnol rhoi ystyriaeth i Strategaeth Twristiaeth Gogledd Cymru a'r Cynllun Gweithredu Ardal Farchnata.
cefndir
Datblygwyd y PAM fel rhan o Gynllun Busnes Partneriaeth Twristiaeth Gogledd Cymru fel rhan o'r ymdrechion i weithredu Strategaeth Twristiaeth gydwedd ar gyfer pob Ardal Farchnata.
Mae hyd at 25% o gyllideb Partneriaeth Twristiaeth Gogledd Cymru ar gael ar gyfer y PAM y flwyddyn hon. Yn gyfan gwbl neilltuwyd £250(£k) ar eu cyfer.
Nid oes angen dosbarthu'r cyllid yn gydradd o angenrheidrwydd - ond fel canllaw gall pob PAM dderbyn hyd at £50(£k) ar gyfer cais y flwyddyn hon. Bydd partneriaeth twristiaeth gogledd cymru yn ceisio cymryd i ystyriaeth natur wahanol y cynnyrch ym mhob Ardal Farchnata, a chydnabod y gwahanol adnoddau fydd efallai eu hangen ar gyfer targedu gwahanol farchnadoedd. Bydd partneriaeth twristiaeth gogledd cymru, lle bo angen, yn adolygu'r gyllideb a osodwyd ar gyfer y PAM yn ôl amrywiaeth yr ymgyrchoedd a'r ceisiadau a gyflwynir. Bydd dosbarthiad terfynol yr arian yn seiliedig ar asesiad safonol o brosiectau PAM a gyflwynir i bartneriaeth twristiaeth gogledd cymru, ac ni fydd partneriaeth twristiaeth gogledd cymru yn gyfrifol am unrhyw waith paratoi aflwyddiannus sy'n gysylltiedig ag ymgeisio.
Bydd angen datblygu a mireinio ceisiadau er mwyn adlewyrchu’r Cynlluniau Gwaith a’r Strategaethau newydd sy'n seiliedig ar y Strategaeth Twristiaeth Ranbarthol newydd, gan gynnwys strategaeth pob Ardal Farchnata. Bydd hyn yn cydnabod y gwahanol flaenoriaethau ar hyd a lled y rhanbarth.
Bydd cynlluniau o'r fath yn tryfalu i'r Cynllun Busnes Rhanbarthol..
